Disa ditë më parë, moderatorja e njohur Luana Vjollca tregoi se tashmë pushimet e saj kanë mbaruar dhe po nis zyrtarisht punën.
Luana ka konfirmuar se edhe këtë sezon do ta shohim në Top Channel, me siguri në sezonin e radhës së spektaklit “Kush Luan”.
Pak më parë, ajo ka ndarë me ndjekësit e saj në Instagram spotin e ri të emisionit, emrin e të cilit ende nuk e ka zbuluar.
Me fustan të zi bust dhe flokët e mbledhura, Luana shfaqet duke u rregulluar nga dy grimierë, teksa buzëqesh para kamerës.
“Së shpejti”- shkruhet në videon që i ka bërë të gjithë kuriozë për programin e moderatores, e cila këtë sezon do të jetë “rivale” e Marinës.
Kjo e fundit do t’i bashkohet sërish televizionit “Klan”, pas dy vitesh mungesë në ekran.
