13 shkurti do të jetë një ditë e veçantë për Miss-in shqiptar, Almeda Abazi e cila do të martohet në ditën e lindjes me aktorin turk, Tolgahan Sayışman.
Ceremonia e dasmës që do të zhvillohet në Los Angeles, në shtëpinë e çiftit, përkon me 25-vjetorin e lindjes së bukuroshes shqiptare, e cila është fotografuar së bashku me partnerin në aeroportin e Stambollit.
Para nisjes, në një deklaratë për mediat turke, aktori i njohur iu përgjigj edhe disa pyetjeve të mediave që ishin të pranishme: “Jam shumë i lumtur… Po shkojmë në LA për të realizuar ëndrrën dhe për të hedhur themelet e marrëdhënies sonë”, tha Tolgahan për mediat.
I pyetur pse zgjodhën Amerikën për ceremoninë e dasmës, Sayışman tha se ai është vendi ku lindi dashuria e tyre, ndaj atje duan që ta kurorëzojnë dashurinë e tyre. Ndërsa për pyetjen kush do të jetë dëshmitar në dasmën e tyre, aktori tha se akoma nuk mund të thotë një emër, do të vendoset në momentin e fundit.
*Shfleto galerinë
