Rreth dy javë më parë, interneti u çmend nga lajmi se Justin Bieber dhe e dashura e tij Hailey Baldwin ishin fejuar dhe mëse gati për martesë. Pati skeptikë që sigurisht nuk u bindën se gjërat ishin serioze, por mesa duket qenkan që ç’ke me të. Dyshja ka nisur që tani përgatitjet për dasmë dhe siç shkruajnë mediat amerikane, Hailey i ka zgjedhur që tani shoqërueset e saj dhe nuk janë aspak figura të panjohura.
Sipas ish-bashkëshortes së xhaxhait të saj, Kim Basinger, shoqërueset e Hailey-t do të jenë motra e saj Alaia dhe kushërira Ireland Baldwin.
Alaia është gjithashtu modele dhe është e martuar tashmë.
Në dasmën e saj, shoqëruese ishte pikërisht Hailey. Sakaq Ireland Baldwin, e bija e Alec Baldwin dhe Kim Basinger është gjithashtu modele e suksesshme dhe aktore. Pak të thuash që këtë dasmë mezi po e presim.
