Reperi shqiptar Gashi, fama e të cilit është botërore ditën e sotme ka gdhendur një tatuazh në trup kushtuar Kosovës, vendlindjes së tij, mirëpo ndjekësit kanë një kritikë të madhe për të.
Para pak orësh, reperi publikoi një foto të tatuazhit në llogarinë në Instagram duke treguar njëherazi se i është dashur të depilojë qimet e barkut për të realizuar tatuazhin për Kosovën, ndërkohë menjëherë kanë vërshuar komentet e shumta plot kritika.
Pjesa më e madhe e komenteve janë të tipit: “Duhet ta shkruaje ‘Kosova’ në shqip, jo ‘Kosovo’ në anglisht!”
Po ashtu nuk ka munguar edhe një tjetër koment nga një ndjekës i cili i shkruan: “Kosovo është një emër serb, jo shqiptar. Emri i vërtetë i Kosovës është Dardania. Kosovo do të thotë mëllenjë (zog i zi) kështu që ti po mban një emër serb, tatuazh në lëkurën tënde.”
Pas komenteve të shumta, Gashi duket se ka zgjedhur që të injorojë secilin prej tyre duke qëndruar në heshtje të plotë…
