Ministri i bujqësisë në Rusi, Aleksandër Tkaçev sugjeroi që në vendin me popullsinë më të madhe në botë me myslimanë, Indonezi, të eksportohej mishi i derri.
Ngjarja ndodhi gjatë një forumi publik, i cili ka shkaktuar të qeshura me lot tek presidenti.
Në video dëgjohet Tkaçev duke propozuar një plan për të rritur eksportin e derrit nga Rusia në vende si Japonia, Kina dhe Indonezia.
Putini pastaj i kujtoi ministrit të tij se Indonezia është një vend me shumicë myslimane, kështu që njerëzit aty nuk hanë mish derri.
Pas kësaj Tkaçev sqaroi se ai donte të thoshte Korenë e Jugut dhe jo Indonezinë.
