Pas përfundimit të surprizës që Turi kishte përgatitur për Orindën, duke i dedikuar një këngë, erdhi radha e këngëtarit Kozma Dushi për të performuar.
Turi e thirri të vinte në pistë për të performuar, duke iu drejtuar “babuç” ashtu siç e thërrasin miqtë dhe kolegët.
Por Kozma Dushi preferoi të uronte së pari çiftin para performancës. Ai uroi Turin të parin:
“Të trashëgohesh, jetë të gjatë dhe të lumtur dhe të uroj shumë suksese në emisionin tënd në Vizion Plus, “Oktapod”. Të nderuar ju përshëndes të gjithëve”, e mbylli fjalën ai.
“Po nusen?”, ia ktheu Turi për t’i kujtuar Kozmait ta uronte.
“Dhe nusen doja ta uroja: Erinda jetë të lumtur!”, u shpreh Kozmai duke ngatërruar emrin e saj dhe duke shkaktuar të qeshura mes të ftuarve.
