Disa media kanë shpërndarë në rrjetet sociale njoftimin aspak të vërtetë se aktori i madh i Hollivudit, Sylvester Stallone, është ndarë nga jeta. Pre e këtyre lajmeve është bërë dhe këngëtari i njohur shqiptar Stefi Prifti, i cili në profilin e tij ka bërë një status ngushëllues.
“Një ndër aktorët më të mëdhenj të kinematografisë hollivudiane dhe botërore. Eh.. në sa filma e kemi ndjekur dhe sa shumë na ka dhënë nëpërmjet roleve dhe personazheve. Respekte gjigandi Silvester Stalone”, shkruan ai në një foto ku janë shënuar inicialet R.I.P dhe periudha e ndarjes nga jeta.
Ka qenë dhe këngëtari Sidrit Bejleri i cili me komentet e tij ka mohuar njoftimin e këngëtarit. Ndërkohë në asnjë prej mediave më të mëdha botërore nuk qarkullon një lajm i tillë.
