Një foto po i kushton shumë rëndë kompanisë së njohur të veshjeve H&M. Nuk rreshtin polemikat në lidhje me publicitetin e kompanisë, e cila publikoi një foto në të cilën paraqitet një fëmijë me ngjyrë që vishte një bluzë ku shkruhej: “Majmuni më i bukur i xhunglës”.
Kompania suedeze kërkoi menjëherë falje duke përdorur rrjetet sociale, por kjo nuk i ndaloi reagimet e forta në botën sportive. Një prej personaliteteve më me peshë që reagoi ndaj këtij publiciteti ishte LeBron James, i cili shprehu indinjatën e tij në Instagram.
“Keni gabuar gjithçka”, lexohet në postimin e yllit të Cleveland Cavaliers, “Kjo është e papranueshme, nuk duroj më. Në këtë foto unë shoh një mbret të ri, sovranin e botës, një forcë të paprekshme që nuk do të mund të mohohet kurrë. Ne afro-amerikanët duhet të thyejmë këto tabu dhe t’i tregojmë botës se gabohet dhe të punojmë akoma më fortë për përkatësinë tij. Kjo luftë do të na shpërblejë’.
Gjithashtu këngëtari i njohur kanadez The Weeknd reagoi duke shkruar:
“U zgjova këtë mëngjes i shokuar dhe i turpëruar nga kjo foto. Jam shumë i ofenduar dhe nuk do të punoj më me H&M”.
Një tjetër reagim i shfaqur ishte edhe ai i futbollistit Kevin Prince Boateng, edhe ky nëpërmjet Instagram ku fotos së vogëlushit iu bashkangjit një mesazh ku drejtohej pyetja: “Seriozisht e keni?” së bashku me hashtagët “humbën toruan” dhe “jo racizmit”.
Burimi: Telegraph
