Duket sikur e kanë kaq të lehtë dhe pa pikën e mundimit mund të jenë gjithmonë në super-formë. Në fakt ndodh ndryshe, blogeret e modës duhet të mendojnë mirë çdo veshje apo pozë që marrin. Rasti i Odeta Banushajt në fakt bën përjashtim, pasi ajo ka kaluar një “rekord”, 30 minuta për t’u bërë gati në një event.
“Kur jemi në sezon eventesh dhe veshjet janë konsumuar, sepse ti ke nxjerrë një foto me të dhe një foto e dytë do ishte një “shkelje ligji”, unë jam bërë gati edhe për 30 minuta për një event”, shprehet gjatë intervistës me “Iconstyle” blogerja Odeta.
Mos e provoni, sepse do të dështoni nëse nuk dini më parë disa truke që të shpëtojnë “jetën” në të tilla raste.
Ndaj ajo zbulon veshjet shpëtimtare, apo ato që nuk duhet t’i provojmë kurrë dhe të heqim dorë njëherë e përgjithmonë.
Gati për të qenë me stil këtë verë dhe çdo ditë?
– Çfarë të bëri që të hyje në botën e modës dhe të nisje një blog?
Pasioni ka qenë i hershëm, dalloja për kombinimet e guximshme që e vogël. Komentet e shumta të shoqërisë më shtynë akoma dhe më shumë drejt kësaj rruge dhe një ditë, krejt rastësisht, gjendem përballë me zyrën e një reviste, ku shoh edhe lajmërimin se kishin një vend vakant. Ishte revista e parë ndërkombëtare në Shqipëri asokohe, ku unë marr dhe aprovimin për pozicionin e fashion editor, redaktores së modës. Absolutisht një shkollë më vete dhe një ogur i mirë për vijimësinë e karrierës sime.
Pas eksperiencës dy vjeçare si fashion editor, “Instagram”-i ishte kthyer në një album më vete nga fotot e shumta, kombinimet, eventet..
Puna e redaktores është të shkruajë artikuj mbi veshjet, trendet, kombinimet dhe çdo gjë tjetër që ka të bëjë me industrine e modës, por unë nuk shkruaja asnjëherë për veten. Njerëzit filluan të kuriozonin edhe të kërkonin informacion si për markat, kombinimet dhe detaje mbi veshjet e mia dhe këtu ishte dhe piknisja e blogut. Nje platformë që mund të më afronte më shumë me audiencën dhe t’i vija sadopak në ndihmë me idetë dhe këshillat e mia.
– Cila është një rrobë esenciale pa të cilën nuk jeton dot?
Fustanet e gjata. Të shpëtojnë jetën! Kombinojnë absolutisht me çdo gjë. Janë komode, praktike, stil, mund ta personalizosh me çdo gjë nga bizhuteritë, kapelat apo turbanet e kokes.
-A merrni gjëra “free” për blogun?
Nëse e keni fjalën për veshjet, sigurisht që bashkëpunimet janë pjesë e blogut.
-Kur nuk di çfarë të veshësh, cili është kombinimi që të nxjerr nga situata?
Bluza e bardhë prej pambuku.
Kur jemi në sezon eventesh dhe veshjet janë konsumuar, sepse ti ke nxjerrë një foto me të dhe një foto e dytë do ishte një “shkelje ligji”, unë jam bërë gati edhe për 30 minuta për një event. Jam mjaftuar me një palë xhinse vintazh, bluzë e bardhë dhe aksesorët përkatës. Një look i sigurt, i cili të nxjerr nga situata.
-Një nga gjërat për të cilën ke bërë vërtetë pazar?
Një çantë Louis Vuitton backpack (shpine), të cilën e kam blerë në një dyqan me mallra të përdorura dhe shitësi nuk ia dinte vlerën e vërtetë. Ma dha me një çmim shume minimal dhe unë me perpjekjet e mia arrita ta merrja me një çmim akoma dhe më qesharak.
-Cili është ndryshimi më i madh i jetës tënde pasi nise blogun?
Ka pasur pika kulmore, një prej të cilave ishte edhe pjesmarrja në Javën e Modës në Milano vitin që shkoi ku isha e ftuar të isha prezente në sfilatën e koleksionit të Elisabeta Franchit dhe Atsushi Nakashima-s. Ndryshimi pastaj ka ardhur gradual, e privilegjuar për të marrë pjesë në eventet më në zë të qytetit, të qenurit pjesë e intervistave në emisione televizive. Të gjitha këto janë ndryshime të mëdha.
3 trendet që vajzat dhe meshkujt duhet të heqin dorë tani?
Për femrat:
-atletet ortopedike
– xhinset e ngushta
– printet leopard
Për meshkujt:
-pantallonat me xhepa anash
-bluzat me logo “Versace”
-rripat me pllaka markash të gdhendura
Po 3 trendet që duhet të provojmë këtë verë?
– “colorblocks” e kuqe/portokalli/pink
– pizhamat apo veshjet në material mëndafshi (tepër komode)
– shapkat! Investoni në shapka se do u iki shumë shpejt moda dhe nuk do gjeni sezon më komod se ky i sivjetshmi.
-Gabimi më i madh në veshje që bëjnë vajzat dhe djemtë shqiptarë?
Vajzat së fundmi kanë Kim-in dhe Kylie-n pasqyrë që shihen dhe u kanë dhënë prioritet veshjeve elastike, të ngushta dhe me dekolte të theksuar. Shumë thonj, shumë make-up, shumë qerpikë, shumë konturim, shumë gura e xixa. Bëhet një “zhurmë” aspak e këndshme dhe estetike për syrin.
-Rrobat e meshkujve nuk janë vetëm për meshkuj, vajza!
– “Seksi” nuk do të thotë të zhvishesh, por të vishesh si duhet.
– Flokët janë gjysma e bukurisë, por jo gjithmonë flokët e gjata të tregojnë më tërheqëse.
-Nuk u kushtojnë vëmendje mjaftueshëm aksesorëve si çanta, syzet, bizhuteritë. Janë këta elementët që bëjnë diferencën. Jeni në mëdyshje? Shikoni për modelin e thjeshtë dhe që do ju japë rehati. Ato do t’i keni më të lehtë për t’i përshtatur me veshjet tuaja, si për paraditet në punë ashtu edhe për një event në darkë.
Djemtë shqiptarë, përgjithësisht karakterizohen me fizik jo aq perfekt sa të veshin bluza të ngushta. Mendojnë se një zgjedhje e tillë do t’jua ulë kilet e tepërta, ndërkohë që ndodh e kundërta.
-Një gabim tjetër? Kopsat. Ose mbërthejnë më shumë se ç’duhet, ose e kundërta.
-Ngatërrohet shumë xhaketa e lëkurës me atë inkelit. Kjo është si për meshkujt ashtu edhe për femrat. Xhaketa e lëkurës është nga ato investime që bëhen njëherë në 5 vjet ndoshta dhe më shumë . Ky detaj ka fuqinë ta shndërrojë një veshje në perfekte.
-Akoma injorohet rëndësia e copave/materialeve cilësore. Shoh që blejnë pulovrën ose këpucën e bukur dhe jo atë komode. Materialet e lira dallohen 200 metra larg. Përveç se të parehatshme, as të këndshme për syrin.
-Cila është këshilla më e mirë që të kanë dhënë ndonjëherë?
“Be your own label” të cilën e kam mbajtur edhe ne logon e blogut Odetchie. Krijo stilin tënd… le të jetë unik, frymëzim dhe i identifikueshëm për të tjerët.
*Fotot nga Elus Skëndaj
Burimi: Iconstyle.al
