I ftuar sot tek “Ftesë në 5”, G Bani foli hapur për shumë aspekte të jetës së tij, që nga muzika; e quajti veten “legjendë”; tek jeta personale; zbuloi se është i lidhur me një vajzë suedeze.
I larguar prej vitesh nga Shqipëria, reperi nga Puka i cili ka jetuar në Londër e tani në Suedi, ka gjetur dashuri në krahët e një vajze suedeze. G Bani- emri i vërtetë i të cilit është Alban Përlala- tha se ndihet shumë mirë në marrëdhënien me vajzën nga Suedia, por siç mund të keni dëgjuar nga ndonjë i afërm juaji që jeton jashtë: “e mirë e mirë, po nuk është shqiptare.”
“Ajo mund të jetë ëngjëll, por nuk të kupton”, u shpreh G Bani.
Problem për këtë, është mesa duket nervi shqiptar:
“Kur inatosem për diçka, gjë që është normale, asaj i duket habi. Troç, si të kupton shqiptarja, s’ka suedeze që të kupton.”
