Eva Mendes nuk ka qenë në qendër të vëmendjes për disa vite, por së fundmi aktorja e famshme ka dalë sërish në “skenë”. Ajo ka vendosur të inkurajojë njerëzit që të vlerësojnë veten e tyre në çdo etapë të jetës.
Si asnjëherë më parë, 47-vjeçarja ka rrëfyer se ndihej keq me veten në fillimet e saj të karrierës si aktore. Si një 26 vjeçare, ajo tregoi se nuk i pëlqente fytyra dhe e kritikonte shpesh pamjen e saj.
“Sapo hasa në këtë fotografi nga një film që ishte gati 20 vjet më parë. Mbaj mend që pashë këtë foto në atë kohë dhe mendova se fytyra dhe struktura e kockave dukej e çuditshme…e dini, gjithë ato pasiguri që një 26 vjeçare mund të ketë”, shkroi nëna e dy fëmijëve.
Nga ana tjetër, kjo gjë e ka forcuar dhe e ka bërë të reflektojë e ta pranojë veten ashtu siç është. Ajo tha më herët se ndërsa po shkon drejt të 50-tave, po ndihet krenare që po plaket.
“Faleminderit Zotit që po plakem. Kjo do të thotë që jam akoma këtu. Unë do të bëhem 46 shpejt dhe mirënjohëse çdo ditë që jam duke u plakur”, tha aktorja.
Kohë më parë, në një intervistë për “Shape”, Eva tregoi sesi arrin të qëndrojë në formë, e shëndetshme dhe e lumtur.
- “Më pëlqen të vrapoj dhe mes intervaleve, ngre pesha”.
- “Kam një orë që i dedikohem vetes, 3 herë në javë”.
- “Nuk ulem asnjëherë, jam gjithë ditën duke vrapuar pas fëmijëve”.
- “Kam kudo një shishe me ujë pranë”.
- “E nis ditën me vezë, mendoj se janë magjike. Zgjedh vezën omlet me një tost për mëngjes. Për drekë konsumoj sallatë, salmon dhe oriz ose “quinoa”.
