Ylli i Realit të Madridit, Cristiano Ronaldo, në një intervistë për “L’Equipe” ka shprehur dëshirat e tij për të ardhmen, si ato profesionale, po ashtu edhe ato familjare.
Para një jave ai u bë baba për herë të katër, por për herë të parë me një partnere reale, Gergina. Ndërkohë CR& është favorit për të fituar “Topin e Artë” numër pesë.
Cristiano ka thënë se pavarësisht të gjithave që ka arritur në jetë ndihet i paplotësuar me veten e tij.
“Nuk jam i shqetësuar shumë për çmime, unë jam 32- vjeç, gati 33. Bota ime nuk është vetëm futbolli, por ka edhe gjëra të tjera të rëndësishme. Për “Topin e Artë”, paneli po voton ende, por kam besim në vetvete që do ta fitoj. Unë dua shumë që ta fitoj. E di se çfarë do të thotë një “Top i Artë” numër 5 për brezat e ardhshëm. Unë dua shtatë fëmijë dhe 7 “Topa të Artë”. Për sa kohë që luaj, do synoj që të fitoj gjithçka në futboll”, tha Ronaldo për “L’Equire”.
Duke bërë llogaritë na del se Ronaldo duhet të bëjë edhe 3 fëmijë të tjerë dhe të fitojë edhe 2 “Topa të Artë”. I urojmë që ti realizojë këto dëshira.
