Një nga figurat më të njohura të futbollit shqiptar është ndarë nga jeta ditën e sotme. Ish- futbollisti i skuadrës sëTeutës, Filip Xhaji ka ndërruar jetë në mëyrë të papritur.
Xhaji luajti për 15 vite për skuadrën e Lokomotivës (Teuta) 1955-1970. Pasi u tërhoq nga futbolli,ai iu përkushtua trajnimit duke stërvitur grupmoshat e klubit durrsak 9-11 vjeç dhe Kombëtares sonë.
Ndaj këtij lajmi të hidhur ka reaguar edhe Federata Shqiptare e Futbollit në faqen zyrtare duke shkruar: “Futbolli durrësak ndjehet në zi për humbjen e një mjeshtri të shquar si Filip Xhaji. FSHF ndjen keqardhje për këtë lajm të hidhur dhe është pranë familjarëve të të ndjerit si dhe tërë komunitetit të madh futbolldashës së Durrësit. Filip Xhaji ka qenë një futbollist që punoi fort bashkë me brezin e lojtarëve të mirë të vitëve 1955-1970 të “Lokomotivës” së dikurshme (sot Teuta) për të ridimensionuar vlerat e traditat më të mira të futbollit në qytetin bregdetar.
Pas lënies së karrierës ka punuar shumë vite në detyrën e trainerit. Kryesisht për moshat e reja nga 11-19 vjeç. Për shumë vite me radhë është përkujdesur në Durrës për talentetet e reja, afirmimin e tyre jo vetëm te Teuta por edhe në ekipet Kombëtare të grupmoshave dhe Kombëtaren e madhe kuqezi të Shqipërisë. Federata Shqiptare e Futbollit i shpreh ngushëllimet më të sinqerta familjes se mjeshtrit durrësak Filip Xhaji”
