Ndërsa shumë nuse vendosin të veshin një fustan të bardhë të mrekullueshëm në altar, disa të tjera preferojnë të shkojnë me diçka më dramatike.
Dhe dizajnuesja e fustaneve të nuseve dhe atyre couture, Trish Peng, e ka çuar paraqitjen e guximshme në një nivel të ri me fustanin që tërhiqte vëmendjen në Javën e Modës në Zelandën e Re.
Dizajnuesja 25-vjeçare habiti audiencën pasi modelja e fundit u shfaq e veshur me një fustan të kuq që theu rekordin me një tyl mëndafshi të gjatë 20 metër, më e gjata ndonjëherë që është shfaqur në një pasarelë.
Fustani i pabesueshëm u krijua nga dantellat formë lule të Christian Dior, të marra nga Franca.
Dantella ishte zbukuruar me qindra kristale të shndritshme “Swarovski” dhe një skuadër prej katër vetash që shpenzuan 120 orë për ta bashkuar krijimin, i cili ka një vlerë prej 7689 dollarë (AUD).
Peng gjithashtu bashkëpunoi me dizajnuesen e aksesorëve për nuset, Anna Marguerite, për të krijuar një gjysmë kurorë floriri me lule të kombinuar me kapjen në pjesën e shpatullave, që lidhnin tylin.
Modelja veshi fustanin në shfaqjen e Revistave të Dasmave në Zelandën e Re dhe pasarelën e Qendrës ANZ Viaduct Events, në Auckland.
“Amerikanët e dashurojnë volumin”, tha Peng. Ajo tha se zgjodhi ngjyrën e kuqe për efekt dramatik dhe ishte frymëzuar nga origjina e saj. “Ajo është pak “Lindja takon Perëndimin” për mua, për shkak të origjinës sime nga Kina. E kuqja është një shenjë e prosperitetit dhe e fatit të mirë”, u shpreh ajo.
Java e Modës e Zelandës së Re nisi më 22 gusht dhe mbyllet të dielën më 28 gusht.
*Shfleto galerinë
Burimi: Daily Mail
