90 vite më parë Coco Chanel do të revolucionarizonte botën e modës, duke prezantuar atë që njihet si “fustani i vogël i zi”. I krijuar fillimisht si shenjë zie për të dashurin e humbur, ky fustan do të merrte dimensione të jashtëzakonshme. Nga viti 1926 deri më sot ai është kthyer në një “must” në gardërobën e secilës prej nesh. Por ndërsa për ne mbetet ende një zgjidhje e çdo rast, ai mbart disa “rreziqe”:
1.Njolla e bardhë e deodorantit është armiku numër një i fustanit të zi. Sa herë ju ka ndodhur të vishni fustanin dhe të gjeni një njollë të madhe në të. E tmerrshme, apo jo?
2.Akoma me këtë?! Njerëzit vazhdojnë të mendojnë që ju vishni të njëjtin fustan prej vitesh, kur në të vërtetë ky është i 100-ti në gardërobë.
3.Mallkimi i majonezës, përse dreqin duhet të lërë një shenjë kaq të shëmtuar në fustan?
4.Fustani i zi bëhet i padurueshëm në verë pasi thith shumë rreze, por “ia vlen barra qiranë”, sepse dukeni gjithmonë bukur dhe shik.
5.Ato që veshin fustan të zi duhet ta mendojnë seriozisht idenë për të patur një kafshë shtëpiake. Qimet e maces nuk do të dukeshin aspak bukur mbi të.
6.Edhe pse kodi i veshjes nuk lejon fustanin e zi në dasmë, ju mund ta përdorni atë. Fundja rregullat janë bërë për t’u thyer.
7.Ndiheni të lodhura nga e njëjta pyetje se kush ju ka vdekur. Askush! Jeni thjesht një besnike e fustanit të zi!
