Nëse del në trend një fustan të parin sigurish që do ta shohim të veshur në trupin e Lori Hoxhës. Kështu ndodhi edhe vitin e kaluar më 19 dhjetor të 2016-s, kur fashionistja u shfaq me fustanin dyngjyrësh me thekë të Elisabetta Franchi-t, në festën e televizionit “Top Channel”.
Në atë kohë “Iconstyle.al” zbuloi se fustanin Elisabetta Franchi, të koleksionit vjeshtë/dimër 2017, ia kishim parë të veshur njërës prej motrave Kardashian, Kourtney në qershor dhe mikes së saj, aktores Lindsey Lohan.
Si rrallë ndonjëherë dizajnuesja e famshme e modës pëlqeu foton e realizuar nga Lori në atë kohë. Si një mënyrë për të ftuar klientet që të blejnë fustanin në dyqanin online, Franchi zgjodhi të publikonte foton e Lori Hoxhës.
Në “Instagram”-in zyrtar të Elisabetta Franchi shkruhej: “Ndillni magjinë e pasarelës, në raste të veçanta. Faleminderit Lori Hoxha”.
Nga një kërkim “Iconstyle.al” gjeti se fustani kishte një çmim prej 524 eurosh, ndërsa tashmë e gjeni me 35% ulje për 340 euro.
Por nuk është Lori arsyeja pse e rikthyem në kujtim këtë fustan.
Është modelja Rashel Kolaneci, e cila u shfaq me të njëjtin fustan, por me një stil tjetër. Ndryshe nga ideja e dizajnueses ajo kishte zgjedhur t’i shtonte aksesorin e një rripi të trashë blu.
Në fakt para Rashelit, në maj të këtij viti ish-konkurrentja e “Big Brother”, Rike Roci, u shpreh se ishte e dashuruar me këtë fustan. Ajo kishte zgjedhur kombinimin perfekt: këpucë bezhë “Valentino” dhe çantën “Louis Vuitton”.
Duket se ky fustan është pa kohë dhe nuk do të ishte e çuditshme t’ia shikonim veshur një të famshmeje tjetër.
Burimi: Iconstyle.al
