Kur Lori Hoxha u shfaq më 1 shtator, si e ftuar në dasmën e Besit dhe Xhensilës, u cilësua si një “princeshë”.
Duke iu përshtatur temës së dasmës, “Hirushes”, fashionistja kishte zgjedhur një fustan romantik me dantellë rozë pastel dhe fruda të Alessandra Rich.
Fustani nxori në pah siluetën femërore të saj, por askush nuk e dinte se i kushtoi Lorit pikërisht 2,965 euro.
Por nuk është kjo arsyeja pse e kthyem në kujtesë këtë fustan!
Një nga të ftuarat në tapetin e kuq të ceremonisë së ndarjeve të çmimeve, “American Music Awards”, mbrëmjen e së dielës na e solli ndër mend.
Një prej vokalistëve të grupit muzikor amerikan të muzikës “country”, “Florida Georgia Line”, Tyler Hubbard u shfaq në tapetin e kuq i shoqëruar nga gruaja prej dy vitesh, Hayley Stommel.
Kjo e fundit mbante veshur fustanin me të cilin shqiptarja Hoxha u shfaq rreth 3 muaj më parë.
Ndoshta duhet të bëjmë pyetjen: Kush e veshi më bukur?
