Pas 2 viteve në detyrë, kryepolici Muhamet Rrumbullaku ka dhënë dorëheqjen nga posti i kreut të Policisë së Shtetit. Në vend të tij është komanduar zv.drejtori Sokol Bizhga, sipas ligjit të ri të Policisë së Shtetit.
Sipas mediave, Rrumbullaku e ka dorëzuar dorëheqjen një ditë më parë në orët e mbrëmjes. Edhe urdhri për komandim të Sokol Bizhgës në këtë post është bërë një ditë më parë.
Sokol Bizhga më herët deri në vitin 2022 ka mbajtur detyrën e Drejtorit të Forcave Lëvizëse Operacionale, në Departamentin për Sigurinë Publike.
Kush është Muhamet Rrumbullaku?
Muhamet Rrumbullaku është diplomuar “Specialist i Lartë Policie” në vitin 1988 pranë Akademisë së Policisë, në Fakuletin e Drejtësisë Tiranë dhe ka marrë titullin Jurist në vitin 2010.
Rrumullaku ka ndjekur disa trajnime, çertifikuar në Shqipëri, Shtetet e Bashkuara të Amerikës dhe Hungari.
Nga viti 2019 deri më 2022 ka mbajtur postin e Drejtorit të Përgjithshëm të Shërbimit për Çështjet e Brendshme dhe Ankesat në Ministrinë e Brendshme.
