Fansat e Taylor Swift mbyllën një rruge kryesore pasi panë artisten në darkën e provave të Jack Antonoff.
Ngjarja ndodhi në një rrugë kryesore në Long Beach Island, New Jersey, dhe një dëshmitar okular tregon për Page Six se qindra fansa u mblodhën aty pranë pasi ylli i popit u pa duke hyrë në barin dhe restorantin e njohur.
Swift nuk ishte e vetme për këtë rast, pasi ajo hyri së bashku me Channing Tatum dhe Zoë Kravitz. Në ballkonin e katit të dytë të lokalit u pa edhe Lana Del Rey teksa buzëqeshte dhe qeshte me të ftuarit e tjerë.
Emra të tjerë të mëdhenj që pritet të marrin pjesë në dasmë përfshijnë Cara Delevingne dhe Ryan Reynolds .
Pasi morën vesh se Swift ishte në bar dhe restorant, vendasit u mblodhën në vend për të parë yllin e popit. Policia përfundimisht u shfaq në zonë, ndërsa restoranti mbylli perdet e ballkonit rreth orës 20:45, gjë që shtoi zemërimin e fansave.
Megjithatë, darka e provës përfundoi menjëherë pas, pasi Swift dhe Del Rey u panë duke u larguar rreth orës 21:00.
Antonoff dhe Margaret Qualley do të martohen pasi lajmet për fejesën e tyre u publikuan në maj 2022. Pikërisht atëherë aktorja u pa me një unazë diamanti, që vlerësohet të jetë 100,000 dollarë, në Festivalin e Filmit në Kanë.
