Nëse po kërkoni frutin perfekt për ta konsumuar në mbrëmje, kivi është zgjedhja ideale. Studimet tregojnë se ky frut i pasur me vitamina dhe antioksidantë jo vetëm që përmirëson tretjen, por edhe ndihmon në cilësinë e gjumit.
Kivi përmban serotonin dhe antioksidantë që ndikojnë pozitivisht në ciklin e gjumit, duke ndihmuar në relaksim dhe rregullimin e orës biologjike. Gjithashtu, është i pasur me vitamina C dhe E, të cilat mbështesin sistemin imunitar dhe përmirësojnë shëndetin e lëkurës.
Përveç kivit, alternativa të tjera të shëndetshme për në mbrëmje janë banania, e cila ndihmon në relaksimin e muskujve falë magnezit, dhe qershitë, që përmbajnë melatonin natyral për një gjumë më të qetë.
