Për shkak të përhapjes në masë të virusit vdekjeprurës në mbarë botën, në Shqipëri po merren masat e nevojshme për parandalimin e tij.
Qeveria ka pezulluar mësimin, ka mbyllur restorante e lokale, ka ndaluar fluturimet dhe lëvizjen në rrugë detare, po ashtu edhe transportin publik në Tiranë dhe Durrës.
Për më tepër, do të pezullohen shërbimet dentare deri më datën 3 të muajit prill.
Sipas Urdhrit të Stomatologut, të gjitha shërbimet duhet të mbyllen.
“Ju bëjmë thirrje te gjithe mjekëve stomatologë si dhe personelit të klinikave dentare që të mbyllin shërbimin dentar deri më datën 3 Prill 2020. Shërbimet e urgjencës dentare të kryhen vetëm konform Protokollit të O.B.SH.”- thuhet në njoftim.
Deri tani, numri i të prekurve nga Covid-19 në Shqipëri ka shkuar në 15, përfshirë edhe viktimën e shënuar ditën e djeshme në Durrës.
