Për shkak të rrezikut nga virusi vdekjeprurës që u përhap fillimisht në Wuhan të Kinës, ka gjasa se lojrat olimpike do të shtyhen.
Supozohej që eventi të mbajej nga data 24 korrik deri më 9 gusht të vitit 2020, në Japoni.
Mirëpo, ministri Seiko Hashimoto ka bërë me dije se mund të kemi një tjetër datë për lojrat olimpike dhe shkak për këtë është bërë përhapja e frikshme e Covid-19.
Ende nuk është bërë publike një datë tjetër, ndërkohë që po pritet një njoftim zyrtar.
Deri tani, virusi vdekjeprurës ka infektuar rreth 90.000 persona në mbarë botën, si dhe i ka marrë jetën rreth 3.000 të tjerëve.
Në Shqipëri nuk është regjistruar ende asnjë rast pozitiv me koronavirusin.
