Ato janë gjatë gjithë kohës në sytë e publikut dhe vështirë të mos bien në sy ndryshimet estetike, sidomos kur ato janë të dukshme. Dhe, si gjithmonë, ka vajza të cilat i pranojnë ndërhyrjet apo rregullimet me një sportivitet të madh, disa pohojnë vetëm një ndërhyrje kur kanë bërë më shumë, e të tjera që përbetohen se janë ashtu siç i ka bërë nëna, paçka se ndryshimet duken!
“Panorama” ka hapur arkivat për t’ju sjellë disa nga fotot e realizuara rreth 8 vite më parë, në kohë plazhi.
Më poshtë do të shihni një foto të Rozana Radit. Ishte koha kur Rozana po mendonte për të bërë ndërhyrjen në gjoks, dhe siç e shikoni, gjoksi i saj është akoma shumë i vogël dhe, për hir të së vërtetës, pak në disproporcion me pjesën tjetër të trupit, po të kemi parasysh se Rozana ka linja pak të mbushura. Rozana e ka thënë gjithmonë që e ka bërë këtë ndërhyrje dhe tani duket me të vërtetë shumë mirë.
Ndërkohë, Afërdita Dreshaj nuk duket të ketë bërë ndonjë ndryshim estetik në trup, në krahasim me disa vite më parë, ndërkohë që në portret ka prekur ndonjë gjë të vogël.
Këngëtarja dhe prezantuesja simpatike Orinda Huta, është fotografuar rreth 7 vite më parë në pishina.
Mbase ishte hera e parë që ajo shfaqej me bikini në media dhe linjat elegante të Orindës nuk kishin as edhe një defekt për t’u komentuar negativisht. Asokohe nuk ishte akoma në një lidhje me Turin, ose të paktën gazetarët nuk e kishin mësuar akoma.
Si disa vite më parë, ashtu edhe sot, Orinda vijon të jetë e njëjta vajzë elegante, me lëkurë të bardhë e flokë disi të kuqe kaçurrela. Shumë e veçantë dhe shumë sharmante.
