Një artist indian përdori inteligjencën artificiale dhe krijoi imazhe të disa prej njerëzve më të pasur në planet, të cilët i veshi me rroba të pista dhe i bëri të duken sikur jetojnë në lagje të varfëra. Imazhet e krijuara nga artisti indian Gokul Pillai tregojnë portretet e Donald Trump , Elon Musk, Mark Zuckerberg, Warren Buffett, Bill Gates dhe Jeff Bezos si “miliarderë të varfër”.
Pillai tha për DailyMail.com se ai përdori programin e inteligjencës artificiale Midjourney për të krijuar portretet e tyre duke përdorur gjithashtu photoshop. Frymëzimi i tij, erdhi nga filmi klasik indian ‘Slumdog Millionaire’ të cilin e pa përsëri.
“Ishte shumë rastësi. Filmi zhvillohet në lagjet e varfra të Indisë dhe unë doja të bëja diçka të bazuar në këtë”, tha Pillai.
“Fjala “milioner” në titullin e filmit dhe ballafaqimi i saj me miliarderët aktualë, kështu filloi”.
Në kolazh fotografik, biznesmeni amerikan dhe bashkëthemeluesi i Microsoft, Bill Gates, 67 vjeç, shihet pa këmishë dhe i veshur vetëm me pantallona gri si thes, duke qëndruar jashtë një kasolle. Imazhi i Gates deri më tani ka mbledhur më shumë se 10,000 pëlqime.
Ish-presidenti i 45-të i SHBA-së, Donald Trump, duket i zhveshur dhe i varfër. Po ashtu, biznesmeni miliarder indian Mukesh Ambani, shihet i veshur me një bluzë të pisët me pantallona blu.
