Ajo vuante nga varësia me drogën dhe shëndeti mendor para se të ndërronte jetë në mënyrë tragjike në moshën 27-vjeçare, nga helmimi me alkool.
Por ndërsa Amy Winehouse luftonte kundër “demonëve të saj” para syrit të publikut, fotografi të mrekullueshme të papublikuara më parë e tregojnë yllin e muzikës në fillim të karrierës së saj, e cila thuajse nuk njihet.
Duke folur për imazhet, fotografi Phil Knott thotë: “Kjo ishte argëtuesja, e shëndetshmja dhe e jashtëzakonshmja Amy që unë kujtoj dhe që kam kapur në ato fillim vite”.
Ai vazhdon më tej: “Kur nxora në dritë këtë kuti me foto, pasi u zhvendosa në Los Angeles, u preka se sa shumë shpresë, bukuri dhe druajtje të pafajshme gjeta në to”.
Phil shpjegoi se imazhet e tregojnë Amy-n në gjendjen e saj më të mirë, përpara varësisë me drogën dhe alkoolin, që e mundën atë, ndërsa do të prezantohen në një galeri arti në Londër.
Këngëtarja shfaqet me një fustan të zi me dizajnë të bardhë, ku shfaqet e lumtur dhe e shëndetshme teksa pozon para aparatit. Ajo ndërroi jetë në korrik të 2011-s, vetëm pesë vite pasi arriti majën e karrierës muzikore.
*Shfleto galerinë
Burimi: Daily Mail
