Për të dytën herë brenda pak muajsh, përflitet se Kylie Jenner ka bërë një ndërhyrje në gjoks. 19-vjeçarja i habiti fansat të hënën, pasi shpërndau imazhe duke treguar asetet e saj, por kjo solli nisjen e pyetjeve “sa i kushtoi silikoni” dhe debatet se “ka prishur trupin e saj”.
Disa muaj më parë, Kylie mohoi të njëjtat akuza duke sqaruar se zmadhimi i gjoksit ishte për shkak “të asaj periudhe që ndodh çdo muaj”, por imazhet e fundit ngrenë sërish dyshimet.
Kylie është vënë shpesh në “shënjestër” për ndërhyrjet kozmetike, e njohur për faktin se mohoi që kishte fryrë buzët, para se të pranonte se e kishte bërë këtë ndërhyrje në moshën 17-vjeçare.
Ajo tha në gusht se nuk kishte zmadhuar gjoksin me justifikimin: “Jo njerëz, nuk kam vendosur silikon në gjoks! Të gjithë janë të fiksuar pas kësaj. E vërteta është që unë po rritem, kam shtuar kile dhe trupi ima ka ndryshuar”.
Ndërsa presim justifikimin e radhës së Kylie, kujtojmë se ajo ka kryer edhe ndërhyrje të tjera në fytyrë, ndërsa ka ndryshuar formën e saj përmes mbushësve.
Burimi: Daily Mail
