Disa foto të kreut të Partisë Demokratike, Lulzim Basha me maskë po bëjnë xhiron e rrjetit sot, për mënyrën e gabuar sesi kryedemokrati e mban maskën.
Ai e ka nisur turin e takimeve të tij në vizitën dyditore në Kosovë me kryeministrin Avdullah Hoti, me të cilin doli edhe në një konferencë të përbashkët për mediat.
Pikërisht gjatë kësaj konference Basha tërhoqi menjëherë vëmendje me maskën e cila i qëndronte poshtë hundës.
Teksa Hoti ishte kujdesur të mbulonte si gojën ashtu edhe hundën, sipas rregullit, Basha jo. Fatmirësisht ishte respektuar distanca e sigurisë mes palëve çka është tepër e rëndësishme në kohë pandemie.
Mjekët nënvizojnë rëndësinë për të mbuluar hundën dhe gojën në të gjitha hapësirat e mbyllura si me maskë respiratore, maskë kirugjikale për një përdorim, copë pambuku ose shall.
