Mbrëmjen e kaluar u rikthye në vëmendjen e “Për’puthen Prime” situata aspak e zakontë e Erit dhe Dorit, dy djemtë të cilët u bënë pjesë e një sherri së bashku.
Gjithçka nisi menjëherë gjatë hyrjes së Dorit në emision, teksa ai u prit jo shumë ngrohtë nga konkurrentët e “Për’puthen”.
Dy djemtë u kapën fillimisht me fjalë dhe jashtë studios situata precipitoi në dhunë fizike, ndërsa pamjet u publikuan mbrëmë në emision.
View this post on Instagram
Për këtë arsye, Bora i komunikoi mbrëmë djemve përjashtimin përfundimtar nga “Për’puthen”, duke ndaluar kategorikisht sjellje të tilla në ekran dhe jo vetëm.
Eri ishte i pezulluar dhe e ndoqi mbrëmë nga shtëpia emisionin, teksa në rrjete sociale komentoi largimin e tij.
Ish-konkurrenti publikoi në story një thumb që s’dihet për kë e kishte, por më pas e fshiu.
“Ikën macja, pogonishten fillon miu.”- shkroi ai.
E vetmja që i doli atij në krah ishte Ledjana, me të cilën Eri ka pasur një takim dhe kishin shprehur simpati për njëri-tjetrin.
Ledjana u përpoq ta mbronte duke u shprehur se konkurrenti s’kishte asnjë faj dhe ishte munduar ta priste Dorin sa më mirë gjatë hyrjes, por ishte Dori ai që kishte nxehur gjakërat.
Megjithatë, veprimi i tyre ishte i pajustifikuar, ndaj dhe morën pezullimin nga programi.
