Në ditën e tij të lindjes moderatori Alban Dudushi mori surpirzën më pikante nga stafi i “Top Show”.
Teksa po prezantonte, një video material për aktoren e madhe Tinka Kurti, papritur pa veten e tij në ekran, në të cilën shfaqej rrugëtimi 17-vjeçar në TV. Nuk e dinte se çfarë po ndodhte, por më pas e kuptoi që ishte një dhuratë shumë e bukur për 45-vjetorin e ditëlindjes.
Pas asaj surprize për Albanin, qëndronte sigurisht bashkëshortja e tij, Bieta Sulo, ndonëse nuk donte që t’ia rrëmbente vëmendjen dhe qëndroi në prapaskenë.
Por në fund të mbrëmjes, Bieta na bëri edhe ne një dhuratë shumë të bukur. Ajo zgjodhi 45-vjetorin e Albanit për të na zbuluar të plotë fytyrën e djalit të tyre, KroiArt.
Nga foto mund të kuptojmë që vogëlushi paska marrë tiparet më të bukura të mamit dhe babit.
