Përveç karrierës së saj si këngëtare dhe aktore, Jennifer Lopez njihet për shijen e saj për modën, pasi ajo gjithmonë duket mahnitëse me veshjet e saj. Megjithatë, së fundmi ajo vendosi të postojë në rrjetet e saj sociale një imazh krejtësisht larg shkëlqimit që e karakterizon. Përkundrazi, ajo u shfaq në mënyrë shumë natyrale.
JLo shfaqet e qeshur, e shtrirë në shtrat, me pizhame mëndafshi jeshile dhe fytyrë të larë.
“Mirëmëngjes dhe të hënën të lumtur, do të jetë një javë e mrekullueshme!!!” shkruajti ajo.
Megjithatë, disa nga ndjekësit e saj kanë vënë në pikëpyetje natyralitetin e imazhit, duke theksuar se JLo ishte lyer për të pozuar sikur sapo ishte zgjuar.
“A fle me grim?” pyeti një ndjekës.
“E bukur por na tregoni më shumë foto reale, askush nuk zgjohet me grim”, shtoi një tjetër.
Ndërkohë, ka pasur të tjerë që kanë theksuar se JLo ka përdorur një filtër në foton e saj.
Mirëpo, këngëtarja ka marrë edhe komplimente për foton e saj, ndërsa të tjerë thonë se hija e errët poshtë syve i ka ardhur për shkak se ajo nuk e ka hequr tërësisht grimin.
Dihet mirë se këngëtarja është adhuruese e kujdesit të lëkurës dhe madje ka markën e saj të produkteve të kujdesit të lëkurës të quajtur JLo Beauty.
