Ndonjëherë fotografët e eventeve të çmimeve të “Hollywood”-it menaxhojnë që të kapin disa nga momentet më speciale, kur kanë rojet e tyre larg. Duket se një moment i tillë është kapur këtë vit në “Oscar”.
Në shikim të parë duken një grup fotosh të realizuara në eventin më të madh të modës, ku përfshihen Kate Winslet, 40 vjeçe, Cate Blanchett, 46 vjeçe dhe Brie Larson, 26 vjeçe, të cilat duken një treshe magjepsëse që bisedojnë dhe po ia kalojnë mirë.
Por disa përdorues të rrjeteve sociale dyshojnë se në fotografitë ku Kate ndan një lajm shumë emocionues me shoqet e saja, është diçka më e madhe.
Në fotografi, treshja e nominuar për “Oscar” qëndrojnë në këmbë, duke qeshur dhe duke folur. Por në disa nga shkrepjet, Brie buzëqesh e surprizuar ndërsa Cate vendos dorën në barkun e Kate, ndërsa më pas i japin një përqafim të ngrohtë njëra-tjetrës.
“A i tha Kate Winslet, Cate Blanchett dhe Brie Larson se ajo është shtatzënë ose unë po e shikojë më shumë seç duhet?”, shkruan një nga fansat. Lajmi pritet të konfirmohet nga vetë aktorja nëse është e vërtetë.
Kate ka një vajzë 15 vjeçe, Mia Honey Threapleton, me ish-bashkëshortin e saj Jim Threapleton, me të cilin është divorcuar në 2001-shin, një djalë 12 vjeç, Joe Alfie Winslet Mendes, me ish-bashkëshortin e saj të dytë, Sam Mendes dhe një djalë 2 vjeç, Bear Blaze Winslet, me bashkëshortin e saj aktual, Ned Rocknroll, që është martuar në 2012-n.
Burimi: Daily Mail
