Media serbe kap mat biznesmenin shqiptar me ish-të dashurën e futbollistit brazilian Neymar, Soraja Vuçiç. Ajo u bë e njohur jo vetëm për fotot e bëra për revistën Playboy, por edhe për lidhjen që zgjati disa kohë më futbollistin.
Revista serbe “Svet” publikoi disa foto ekskluzive të realizuara nga paparazza-t, ku shikohet biznesmeni shqiptar Toni Leknikaj me modelen Soraja Vuçiç.
“Një biznesmen shqiptar harxhon miliona euro për Soraja Vuçiç”, titullohet artikulli i “Svet”. Burri në fjalë është i martuar dhe prej vitesh jeton dhe punon në Shqipëri. “Jeta luksoze, udhëtimet e shumta dhe jahtet e kanë joshur modelen serbe, e cila është hedhur në krahët e shqiptarit, disa vite më i madh në moshë se ajo vetë”, thuhet ndër të tjera në revistë.
“Svet” shkruan se ky biznesmen financion tashmë jetesën luksoze të modeles. Pas ndarjes me Neymar, ajo u përfshi në një lidhje me një tjetër futbollist këtë herë serb. Gjatë lidhjes me këtë të fundit ndodhi dhe një incident, i dashuri i saj futbollist e plagosi duke e prerë me thikë në pjesën e fytit, ngjarje të cilën modelja e quajti “një incident i bërë padashje”. Në profilin e biznesmenit shqiptar, emrin e të cilit e zbulon vetë revista, dallohen jeta luksoze dhe udhëtimet e shpeshta në vende të ndryshme të botës.
*Shfleto galerinë
Burimi: Svet
