Ben Affleck u shfaq në humor teksa doli nga një avion privat me ish-bashkëshorten Jennifer Garner, vetëm disa orë para se Jennifer Lopez të bënte kërkesë për divorc. Të martën, ish-çifti zbarkoi në Los Angeles pasi lanë vajzën e tyre, Violet, në Universitetin Yale, shkruajnë mediat e huaja.
Aktori është fotografuar pa unazën e martesës dhe i veshur me një këmishë dhe pantallona të zeza teksa po zbriste shkallët e avionit duke buzëqeshur. Garner e ndoqi pak pas, e veshur me një bluzë të zezë dhe pantallona jeshile me një çantë shpine mbi supe.
Ben Affleck smiles deboarding private jet with ex Jennifer Garner hours before Jennifer Lopez filed for divorce https://t.co/Rla0XbWszS pic.twitter.com/9A7Ag9W8EE
— Page Six (@PageSix) August 21, 2024
Dy aktorëve iu bashkua vajza e tyre 15-vjeçare, Serafina, e cila kishte veshur një xhup. Më pas familja hipi në BMW-në e zezë të Affleck-ut dhe u largua. Disa orë pas realizimit të këtyre fotove, Lopez bëri kërkesë për divorc nga bashkëshorti i saj 52-vjeçar, duke përmendur 26 prillin si datën e ndarjes. Sipas dokumenteve gjyqësore të siguruara nga Page Six, këngëtarja pretendoi se të dy nuk nënshkruan një marrëveshje paramartesore dhe i kërkoi gjykatësit të hiqte dorë nga mbështetja bashkëshortore.
