Në botën nëntokësore ka atraksione të lezetshme, të çuditshme dhe krejtësisht të mrekullueshme.
Disa janë mjeshtëri të dorës së njeriut e të tjera janë mrekulli të natyrshme. Në të gjithë botën do të gjeni të gjitha llojet e fenomeneve madhështore nëntokësore. Ja disa prej tyre:
1.Katedralja e kripës në Zipaquirá, Kolumbi
Rreth 70 milion vjet më parë, me formimin e Cordillera Lindore (dega e vargut të madh malor Ande), në Kolumbi u formua gjithashtu një nga depozitat më të mëdha të kripës në botë, e vendosur në territoret e asaj që aktualisht është komuna e Zipaquira, vetëm 47 kilometra nga qyteti i Bogotá. Kjo katedrale e krijuar krejtësisht nga kripa konsiderohet si një nga veprat artistike dhe arkitekturore më të shquara në botë.
2.Salina Turda, Rumani
Salita Turda është një minierë e vjetër kripe e kthyer ne një nga parqet më argëtues nëntokësor në Rumani. Ky park sot është një nga destinacionet turistike për vendasit dhe jo vetëm.
3.Under, Norvegji
‘Under’ është restoranti nëntokësor që gjendet në fshatin Baly, në Norvegji. Falë një dritareje 13 metra me pamje nga peshqit e Detit të Veriut, ky vend të jep mundësinë të shijosh ushqimin në një atmosferë vërtetë mbresëlënëse.
4. Derinkuyu, Turqi
Derinkuyu është qyteti nëntokësor më i thellë i gërmuar në Kapadokia në rajonin e Anadollit Qendror të Turqisë.
5.Shpella Ajanta, Indi
Shpellat Ajanta në distriktin Aurangabad të shtetit të Maharashtras në Indi janë rreth 30 monumente shpellash shkëmbore budiste që datojnë që nga shekulli i II p.e.s. Shpellat përfshijnë piktura dhe skulptura të cilësuara si “shembujt më të bukur të mbijetuar të artit indian, veçanërisht të pikturës”.
6.Thrihnukagigur, Islandë
Thrihnukagigur, përkthyer fjalë për fjalë si Krateri i Tre Majave është një vullkan joaktiv në sistemin vullkanik të Brennisteinsfjöll në Islandë. Ky vullkan mbulon një sipërfaqe prej 3,270 metra katrorë dhe ka një thellësi prej 213 metrash, mirëpo nuk ka shpërthyer asnjëherë në 4000 vitet e fundit.
