Një rast i tmerrshëm dhune u denoncua mbrëmjen e djeshme në emisionin investigativ, “Fiks Fare”, ku një nëna dhunonte në mënyrë kafshërore të bijën për arsye banale.
Sipas denoncuesit, që ishte njerku i vajzës, gruaja gjente arsye nga më të ndryshmet për të dhunuar të bijën, si: pse s’ke larë enët, apo pse luan me telefon.
JOQ ka zbuluar sot identitetin e nënës së pamëshirshme, e cila u shoqërua prej mbrëmjes së djeshme në policinë e Sarandës.
Burime për JOQ, bëjnë me dije se ajo quhet Elisabeta Meta, nënë e dy fëmijëve.
Ajo ndodhet në polici, ku po merret në pyetje, ndërsa në komisariat ndodhet edhe vajza, e cila po mbahet nën kujdesin e psikologëve.
