Pasi u publikua kënga “Karma” e Flori Mumajesit në bashkëpunim me Brunon, Klajdin dhe Dj Vicky e kuptuam që ishte si një sfidë, ndaj “Despacito”-s dhe këngës në anglisht të Elvana Gjatës. E konceptuar si një “Despasito” në versionin shqiptar, djemtë sollën një këngë në gjuhën spanjolle.
Me qëllimin për të synuar tregun e huaj, Flori me bashkëpunëtorët e tij, duket se kanë si qëllim Amerikën. Ka qenë vetë këngëtari Flori i cili në një postim në “Instastory” ka njoftuar se në një “billboard” në Times Square në New York është imazhi i tij me këngën “Karma”.
“Për ata që si unë s’e besojnë investigoni dhe na ndihmoni”, shkruan Flori.
Kjo do të thotë që këngëtari shqiptar ka paguar një shumë të mirë parash për të promovuar hitin e tij.
Ndaj “Iconstyle.al” vendosi të bënte pikërisht atë që tha Flori, një investigim online. Sipas faqes “Marketing Dive”, një reklamë mund të kushtojë mes 5.000 – 2.2 milionë dollarë, në varësi të vendit dhe kohëzgjatjes, por 81% e klientëve thonë se kanë më shumë gjasa të blejnë nga reklamat e markave, që publikohen në “Times Square”.
Në një shkrim të publikuar rreth 5 vite më parë, “Business Insider” shkruan se, kushton rreth 1.1 dhe 4 milionë dollarë në vit nëse do që reklama jote të shfaqet diku në zonën më të populluar të SHBA-ve.
Sipas “NYTimes”, “çdo ditë e më shumë se 360,000 këmbësorë kalojnë nëpër “Times Square”. Kjo e bën atë një nga atraksionet turistike më të frekuentuar në botë”.
Sa ka sponsorizuar për këtë reklamë mund të na e thotë vetëm këngëtari, pasi nuk hymë dot në investigimet e xhepit të tij!
Burimi: Iconstyle.al
