Moderatorja e “Prive”, Liberta Spahiu ka festuar mbrëmjen e djeshme ditëlindjen e saj në një prej klabeve të natës në Prishtinë. Ajo prej kohësh po përflitet për një lidhje me kantautorin shqiptar Flori Mumajesi, madje është aluduar se edhe largimi i Florit drejt Prishtinës ka lidhje me moderatoren e njohur. Ai ka blerë një shtëpi afër shtëpisë së Libertës.
Por ajo se çfarë ka ndodhur mbrëmjen e djeshme na e vërteton edhe më mirë se midis Florit dhe Libertës ka një lidhje dashurie. Ishte koincidencë apo jo nuk dimë ta themi, ama mbrëmë Flori dhe djemtë e “Threedots” kanë dhënë një koncert pikërisht në të njëjtin lokal që Liberta kishte zgjedhur të festonte me miqtë e saj.
Jo vetëm kaq, por nuk ka munguar edhe një urim i përzemërt për ditëlindjen e saj.
“Gëzuar ditëlindjen dhe jam me fat që të kam pranë”, ka thënë Flori në sy të të gjithëve dhe në mes të koncertit.
Pas këtij urimi Liberta është parë të emocionohet dhe nuk kishte si të ndodhte ndryshe, pas këtyre fjalëve të përzemërta.
Video e këtij momenti është shpërndarë në rrjete sociale nga Alaudini, gazetari i njohur i “NIN” i cili është një nga miqtë më të ngushtë të Libertës e që gjithashtu u zëvendësua nga Flori Mumajesi i cili moderoi “NIN festiv” natën e 2 janarit.
