Personazhet e famshme janë gjatë gjithë kohës në qendër të vëmendjes dhe për këtë arsye ato kujdesen që të jenë të kuruara deri në detaj në çdo moment. Me ardhjen e sezonit të verës ato janë treguar tepër të kujdesshme sidomos për flokët. Dikush i ka prerë, dikush tjetër i ka lyer, apo ka edhe nga ato të cilat kanë përdorur “extension” në mënyrë që flokët e tyre të duken sa më të bukur, të dendur dhe të shëndetshëm.
Me transformimet që kanë bërë të famshmet shqiptare së fundmi të gjithë jemi bindur se shprehja “flokët janë gjysma e bukurisë se femrave”, është mëse e vërtetë.
Këngëtarja Enca Haxhia është dalluar gjithmonë për flokët e saj të gjatë e të shëndetshëm, mirëpo më në fund edhe ajo vendosi të eksperimentojë me to. Enca u shndërrua në një bjonde simpatike që të gjithë e xhelozuam. Rezultati final ishte mahnitës dhe Enca dukej sikur kishte lindur për t’u bërë bionde.
Ndryshe nga Enca e cila u shndërrua në bionde, këngëtarja Miriam Cani na surprizoi të gjithëve duke i shkurtuar flokët e saj. Miriami guxoi kësaj radhe duke i shkurtuar flokët deri tek supet duke zgjedhur modelin bob asimetrik, që është në modë prej vitesh.
Ndërsa vetëm pak ditë më parë të gjithë ishim dëshmitarë se si këngëtarja Anxhelina Hadërgjonaj u shndërruan në një bjonde platin që na mahniti të gjithëve. Ajo eksperimenton vazhdimisht me pamjen e saj, por duket se kësaj radhe qëlloi në shenjë dhe të gjithë fansat janë të mendimit se Anxhelian me “look”-un e ri duket një yll i vërtetë.
Këngëtarja Bleona Qerreti ka rrëmbyer gjithmonë vëmendjen me shfaqjet “topless”, saqë edhe kur bën ndonjë ndryshim në pamjen e saj të paktë janë ata që e vënë re. Së fundmi në një foto të publikuar në Instagram Bleona na tregoi se pas shumë kohësh kishte ndryshuar modelin e flokëve.
Jemi mësuar ta shikojmë gjithmonë me flokët e gjata me shkallëzim, por kësaj radhe duket se ka ndjekur një stil alla kardashian. Bleona u shfaq e flokë të prera drejt dhe duket një yll i vërtetë.
Nën hapat e Kim Kardashian duket se ka ecur edhe këngëtarja tjetër shqiptare, Jonida Maliqi, e prej kohësh iu kishte qëndruar besnike flokëve ngjyrë çokollatë.
Mirëpo me ardhjen e stinës së verës edhe Jonida u shndërrua në bjonde dhe madje i shkojnë shumë.
Këngëtarja Dafina Zeqiri është dalluar gjithmonë për stilin e saj të veçantë. Jo të pakta janë rastet kur ajo ka rrezikuar me “look”-un e saj dhe madje ka frymëzuar shumë vajza të reja.
Mirëpo me modelin e fundit të flokëve duket se ka guxuar shumë. Ajo i ka prerë flokët shkurt pas kokës në pjesën fundore pranë qafës dhe i ka lyer me një ngjyrë më të zbehtë.
Këngëtarja Çiljeta Xhilaga me ardhjen e stinës së verë gjithashtu duket se nuk i shpëtoi dot manisë për t’u bërë bionde.
Pas kaq shumë kohësh ajo u kthye në bjonde dhe të gjithë fansat ishin dakort njëzëri se kjo ngjyrë i shkon shumë.
Fashionista Aurela Hoxha, e cila prej disa kohësh është vendosur në Barcelonë ku po punon për linjën e saj të re të rrobave të banjos, eksperimenton vazhdimisht me pamjen e saj. Në mëngjes e shohim me flokë të shkurtra, ndërsa në darkë me flokë të gjata. Me sa duket Aurelës i ka pëlqyer stili i kthyer në modë nga Kim Kardashian i viteve ’80-të dhe ka vendosur “extension” duke u shfaqur me një pamje të transformuar.
Moderatorja Kiara Tito vetëm pak kohë më parë i surprizoi të gjithë duke u shfaqur me flokë bjonde. Një ndryshim që e transformoi tërësisht pamjen e saj, por që u pëlqye shumë nga ndjekësit e saj të shumtë në rrjetet sociale.
Moderatoja Luana Vjollca flokët e saj origjinalë i ka të shkurtër, por kohët e fundit ka filluar të përdorë “extension” për t’i bërë ato të duken më të plota dhe me sa duket për të qenë sa më pranë stilit të Kim Kardashian. Rrallë herë e shikojmë Luanën të publikojë foto në rrjetet sociale me flokët e saj origjinalë dhe madje edhe në këto pak raste i mban të kapura.
*Kujdes! Ndalohet riprodhimi i këtij materiali pa lejen e redaksisë së Iconstyle.al
