Kur eleganca është detyrim dhe bukuria nuk ka të njëjtat standarde, të famshmit janë ata që bëjnë çmos për t’u dukur tërheqës. Flokët janë gjysma e bukurisë së një femre, kështu që vëmendja ndaj tyre është maksimale. Në përgjithësi, flokë e kapur janë më elegantë dhe më të preferuar në raste të evenimenteve të rëndësishme ose tapetin e kuq. Ka disa modele të bukura dhe të rafinuara nga ku mund të frymëzoheni, sipas tre stileve të ndryshme për t’u kombinuar me veshjen tuaj të momentit.
Flokët e kapur të butë dhe romantik
Një mbledhje e butë, pak të pakrehur, për shpirtrat romantikë që dashurojnë stilin boho-chic. Lërini të bien flokët mbi ballë në mënyrë të lirshme dhe natyrale. Përveçse perfekte, ky është edhe një model casual. Frymëzohuni nga Lily Collins e Jennifer Lawrence.
Flokët e kapur, topuzi i balerinës
Një kapje klasike dhe elegante, që bëhet në botën e baletit, ku disiplina është fjala kyçe. Flokët janë mjaft të tërhequr dhe topuzi i vogël dhe i rregullt mund të bëhet qoftë poshtë ose mbi kokë. Pak stil? Është ai me efektin e lagur si Emily Ratajkowski.
Frymëzimi vintage
Modeli i stilit të vjetër është tendenca e momentit. Zgjidhni një mbledhje me onde nëse ju pëlqejnë vitet ’20, si Jessica Chastain.
