I njohur ndryshe si ‘menaxher i Vipa-ve’, Xhani Demika na ka treguar për debatin e disa viteve më parë me Romeo dhe Donald Veshaj.
Xhani na tregoi se për 4 vite nuk ka pasur asnjë lloj komunikimi me dy djemtë. Ai ka thënë se hatërmbetja vjen nga ana e tij dhe jo nga ana Donaldi dhe Romeo.
Xhani i ka hedhur pas të gjitha hatërmbetjet pasi ka dëgjuar rrëfimin dhe historinë e Donaldit në “BBVIP”. Ai tha se pas historisë së tij vendosi ta suportonte Donaldin. Si duket ka qenë ky veprim i Xhanit që i ka rregulluar marrëdhëniet mes treshes pasi menjëherë pas mbështetjes që Xhani tregoi për Donaldin, Romeo i ka dërguar një mesazh ku shprehej se nuk e priste mbështetjen e tij ndaj të vëllait.
“Kemi pasur një debat, nuk kemi folur për 3-4 vjet me Donaldin dhe Romeon. Më ka ngelur mua qejfi. Ok janë shumë më të vegjël, janë 4-5 vjet më të vegjël se unë. Por kur e kam parë Donaldin brenda në Big Brother VIP jam prekur shumë nga historia e tij. Thashë ok Xhani, ti duhet të mbështesësh Donaldin. Më ka ardhur një mesazh nga Romeo, ku më thoshte se nuk ia priste mendja që ti të mbështesje Donaldin. Jemi takuar pas dy ditësh. Kur ka dalë Donaldi jemi përqafuar dhe bërë fotografi. Jam befasuar nga Donaldi, pasi nuk i ka dashur rrjetet sociale, kurse Romeo ka qenë më i futur në jetën publike. Mori një kthesë shumë të madhe Donaldi”, ka thënë Demika.