Largimi i mundshëm i Marina Vjollcës nga “Procesi Sportiv” ka ditë që përflitet në mediat online. Arsye dyshohet se është zgjedhja e saj për të moderuar një emision për fëmijët.
Nëse kjo është e vërtetë atëherë producentët e emisionit kanë gjetur personin e duhur. E reja që përflitet se do të drejtojë emisionin sportiv krah Edi Manushit quhet Xhejmsi Dervishi.
“Dashuria” e saj me emisionin duket se i ka fillesat kur u bë pjesë e tij, si e ftuar. Dhe është e vështirë mos të të bie në sy modelja dhe instruktorja e fitness-it, jo vetëm për pamjen e jashtme, por edhe për karakterin e çiltër dhe oratorinë.
“ICONstyle” vendosi ta kontaktonte dhe të merrte një pohim nga vetë Xhejmsi.
“Nuk është faktike, por ka një mundësi”, u shpreh ajo për “ICONstyle”. Pyetur për zanafillën e kësaj “tërheqjeje”, Xhejmsi tha: “Kur isha e ftuar së fundmi në emisionin “Procesi Sportiv” ata shprehën pëlqimin”.
Nëse ky ndryshim do të ndodhë, ne mendojmë se televizioni ka bërë zgjedhjen e duhur!
Burimi: Iconstyle.al
