Vishwash Kumar Ramesh, i vetmi i mbijetuar nga përplasja tragjike e avionit në Indi ka thyer heshtjen dhe ka treguar për herë të parë përjetimet e tij.
Pas një aksidenti që i mori jetën më shumë se 200 persona dhe tronditi opinionin publik, rrëfimi i tij ofron një dritare të rrallë në çastet dramatike që paraprinë përplasjen dhe momentet e mbijetesës. Historia e tij është një kujtesë e fortë e mrekullisë dhe tronditjes që fshihet pas një mbijetese të tillë.
Gjithçka ndodhi përpara syve të mi
Nuk e di si mbijetova. Për njëfarë kohe mendova se dhe unë do të vdisja. Por kur hapa sytë, kuptova që isha gjallë dhe u përpoqa të liroja rripat nga sedilja dhe të ikja nga ku të mundesha. Ishte para syve të mi që stjuardesa dhe të tjerët vdiqën. Pas ngritjes, brenda një minute ndjeva sikur aeroplani u ndal për 5-10 sekonda
Dritat jeshile dhe të bardha të kabinës u ndezën gjatë fluturimit. Ndjeva shtytjen e motorit që u rrit per t’u ngritur, por ai u perplas me shpejtësi në ndërtesë. Ana ku isha unë e aeroplanit, u ul në katin përdhes të hostelit. Nuk e di për pjesën tjetër të aeroplanit, por vendi ku u ula ishte në tokë. Mund të shihja se kishte hapësirë jashtë aeroplanit, kështu që kur u thye dera, u përpoqa të ikja përmes një hapësire të vogël dhe ia dola. Në anën e kundërt ishte muri i ndërteses, kështu që askush nuk mund të kishte shpëtuar. Aeroplani u rrezua atje.
Kishte një hapësirë ku unë
ulem… Nuk e di se si arrita të ikja. Kur shpërtheu zjarri, më u dogj dora e majtë. Pastaj një ambulancë më solli në spital
