Sikundër na ka lajmëruar moderatorja e njohur Fjoralba Ponari, do bëhet pjesë aktive e tregut të muzikës dhe shumë shpejt do të vijë me një album të sajin.
Fjoralba do të jetë nën menaxhimin e reperit të njohur MC Kresha dhe suksesi duket i garantuar, ndonëse nuk ka ende detaje rreth datës së publikimit të albumit apo të këngës së parë!
Megjithatë, Fjoralba e ka dhënë një shenjë sonte. Ajo ka publikuar një foto në Instagram, ku shihet me Lyrical Son në një studio muzikore, teksa krahas fotos ka vendosur disa pikëpyetje.
Fansat e saj menjëherë kanë vërshuar në urime për bashkëpunimin, të cilat moderatorja nuk ka ngurruar t’i pranojë, duke lënë të kuptohet se “PO” po vijnë së bashku me një duet.
Kujtojmë se pasioni i vërtetë i saj është muzika dhe siç ka treguar nëpër intervista moderimi hyri në jetën e saj si një surprizë dhe me shumë mundësi mund të kalojë në plan të dytë në të ardhmen.
4 vite më parë Fjoralba mori pjesë në “The Voice of Albania 5”, por fatkeqësisht nuk arriti t’i prekte netët finale, duke na vërtetuar në fakt se talenti dhe puna triumfojnë dhe kanë më shumë vlerë se një kupë.
