Dihet tashmë që Fjoralba Ponari ka një miqësi shumë të ngushtë me ish-banoren e “Big Brother VIP Albania”, Einxhel Shkirën.
Madje Fjoralba e ka mbështetur atë edhe nga jashtë, me postime të ndryshme në ‘story’ dhe e ka suportuar gjithashtu në lidhjen e saj me Dj Dagz.
Së fundmi Fjoralba ka postuar një video të 2019 në “Instastory” teksa vajzat duket se ndodhen në studion e programit “E Diell’.
Në video mund të shihet që moderatorja hedh lulet ndërsa Einxhel hidhet për t’i kapur.
Teksa kujtojnë momentin gazmor, Ponari ka shkruajtur krahas videos:
“Edhe sot e kësaj dite presim ende dasmën” duke iu referuar traditës që vajza e cila kap lulet e nuses duhet të martohet.
Më pas ka ardhur reagimi i moderatores e cila e ka ripostuar ‘storyn’ dhe mbi të ka shkruar:
“Po duhet të martohesh ti njëherë prej vërteti që të ketë efekt tufa me lule”.
Rikujtojmë se marrëdhënia e Einxhelit dhe DJ Dagzit u krijua brenda shtëpisë më të famshme në Shqipëri. Ata ende mbajnë një lidhje shumë të ngushtë me njëri-tjetrin ndonëse ‘reality-show’ ka mbaruar. Çifti shfaqet më i dashuruar se kurrë në rrjetet sociale, ku shijojnë së bashku famën dhe jetën e natës. Teksa Dagz është i ftuar në koncerte të ndryshme, Einxhel shfaqet në publik si fansja e tij më e zjarrtë.
