Fjolla Morina na ka befasuar të gjithëve me ndryshimin që ka bërë në pamjen e saj. Ishim mësuar ta shikonin gjithmonë me flokët e zeza, por ngjyra bionde e ka tjetërsuar pamjen e saj.
Kur u shfaq në emisionin e pasdites “Rudina” në Tv Klan të gjithë menduam se Rudina kishte ftuar Kim Kardashian, madje dhe moderatorja u befasua nga kjo paraqitje.
Por me sa duket pas Rudinës, apo mbase edhe para saj, Fjolla ka qenë duke bërë regjistrimet për emisionin e Roza Latit “Why not” dhe me sa duket ka përtuar të ndërrohet dhe shfaqet me të njëjtën veshje.
Epo çfarë të keqe ka do të thoni ju? Nuk ka asnjë të keqe, por duke menduar që ajo është një figurë publike, bën një jetë luksoze dhe për më tepër vetëm pak ditë më parë lau duart me shampanjë, sikur nuk i shkon të shfaqet në dy emisione të ndryshme me të njëjtën veshje. Ndërkohë të njëjtën gjë ka bërë edhe bashkëpuntori i saj stilist, Mr. Rex.
