Ndryshe nga shumë të tjerë, Fjodora Fjora ia ka dalë ta ruajë hermetikisht jetën private nga ajo publike. E megjithatë shumë vite më parë, emri i saj u kthye në më të lakuarin e shtypit rozë, pasi në një vend të vogël si ky i yni, lajmi i birësimit të një fëmijë nuk kishte se si të mos shkaktonte zhurmë.
Sot, Alteo, feston 10-vjetorin e lindjes dhe në këtë ditë të rëndësishme nuk mund të mungonte një dedikim special nga Fjodora për të.
“Qofsh gjithmonë VETVETJA. Unë nuk kam urim dhe ndjenjë më të bukur për të përshkruar sot që ti mbush 10. Çfarë BEKIMI që të kam në jetën time. Siç thua ti erdhe në epokën e jetës tënde me dy numra, ku unë e di që çdo gjë do me vijë herë 2, dyfish stres, dyfish net pa gjumë, dyfish shpenzime, dyfish nr i këmbës… por një gjë e kam shumëzuar në infinit, dashurinë që ti më fal çdo minutë. Gëzuar ditëlindjen drita e mamit.”
