Posti më i rëndësishëm në një parti, ai i kryetarit të Lëvizsjes Socialiste për Integrim, i është besuar një femre.
Bashkëshortja e presidentit të zgjedhur, Monika Kryemadhi, do të zërë vendin e Petrit Vasilit pasi ky i fundit dha dorëheqjen nga posti.
Përmes një postimi në “Facebook”, ditën e sotme Kryemadhi është shprehur se do të marrë përsipër të kujdeset për zgjidhjen e problemeve të popullit. Ajo është shprehur se partia që ajo do të drejtojë do të jetë opozita e vërtetë.
“Moti ndryshe nga politika që po ftohet, duket se do i nxehë dy ditët në vazhdim. Ndaj kujdes në orët e nxehta të vapës, edhe pse uji dhe dritat mungojë në shumë zona. Ne politikanët i harrojmë ndonjëherë problemet tuaja të përditshme, por ka një zë të fortë që tund dhe shkund apatinë e atyre që kanë marrë përsipër të kujdesen dhe zgjidhin hallet tuaja. Ajo është opozita shqiptare, opozita jonë, e fortë dhe plot me energji për të kuptuar dhe ngritur zërin në maksimum për çdo shqetësim tuajin. Ne jemi me ju, LSI do të jetë pranë problemeve tuaja në çdo ditë apo natë, pavarësisht kushteve të motit apo intrigave të pushtetit”, ky është postimi i Monika Kryemadhit në “Facebook”.
