Djali i adoptuar 16-vjeçar i Angelina Jolie, Maddox, i ka thënë aktores se dëshiron të jetojë me babanë e tij, Brad Pitt.
I riu, i cili ka lindur në Kamboxhia, tha se nuk do të jetojë më me Jolie, pasi ajo vizitoi dhe u lut në varrin e Pol Pot, diktatorit vrasës, i cili masakroi 3 milionë banorë të Kamboxhias.
“Maddox duhet të jetë nxehur, kur mësoi atë që bëri nëna e tij”, tha një burim për “National Enquirer”.
Burimi shpjegoi se, Maddox sapo dëgjoi çfarë kishte bërë Angelina, telefonoi të atin Brad duke iu lutur, që ta lejonte të vinte të jetonte te ai.
“Brad u përpoq ta qetësonte, duke thënë se Angie është e interesuar për historinë e vendit, ku ajo gjeti Maddox-in. Ai gjithashtu shpjegoi se duhet të jetë i kujdesshëm, ndërsa avokatët e të dy palëve po punojnë për kujdestarinë e të gjithë fëmijëve dhe të qetësohet derisa ai të mund të flasë me aktore në lidhje me këtë”, tha burimi.
Në vitin 2016, thuhet se Brad dhe Maddox patën një përplasje fizike në avion, gjë që shtyu Angelina-n të marrë vendimin për divorc.
Por burimet thonë se, tani që 16-vjeçari ka patur mundësinë që të shohë sesi sjellja e çuditshme e Angelina Jolie nxiti problemet brenda familjes, dëshiron të rilidhet me të atin.
Burimi: New Idea
