Ditën e sotme futbollisti Granit Xhaka feston ditëlindjen.
Futbollisti mbush 27 vjeç dhe në këtë ditë speciale për të nuk kanë munguar urimet e shumta nga të afërmit apo fansat e tij.
Mes urimeve sigurisht më të veçantin e ka marrë nga bashkëshortja e tij, Leonita, e cila ka zgjedhur ta urojë publikisht në Instagram.
Ajo ka publikuar një foto të futbollistit dhe në të ka shkruar fjalët më të bukura të dashurisë.
“Gëzuar ditëlindjen për qenien më të mahnitshme njerëzore, të ndershme dhe modeste në të gjithë botën. Faleminderit që më bën më të lumturën dhe më bën të qesh çdo ditë. Falënderoj Zotin për ty çdo ditë. Të duam përgjithmonë”, ka shkruar ajo.
Kujtojmë se edhe pak kohë dhe Graniti do të bëhet baba për herë të parë.
Leonita është në muajt e fundit të pritjes së ëmbël dhe fëmija po vjen dy vite pasi ata celebruan dashurinë e tyre me martesë.
Pak ditë më parë Graniti habiti të gjithë me deklaratën e tij, ku tregoi se po mendon që të largohet përkohësisht nga futbolli.
Ka shumë gjëra më të rëndësishme dhe të vecanta në jetë sesa futbolli. Si për shembull të jesh baba” është shpehur Graniti.
