Prej disa vitesh, acidi hialuronik është shndërruar në yllin e industrisë dermo-estetike falë efektivitetit të jashtëzakonshëm dhe përdorimeve të shumta si zhdukja e rrudhave, rritja e volumit të buzëve etj. Kjo edhe falë faktit se duke qenë një komponent që gjendet në organizmin e gjithëkujt, por me kalimin e viteve humb koncentrimin e tij, rrezikshmëria e injektimit të këtij acidi nuk përbën asnjë lloj rreziku për organizmin.
Megjithatë, frika nga shiringat bën që jo pak njerëz të ngurrojnë t’i nënshtrohen procedurave të tilla. Për këtë arsye, “Dermolife” ka sjellë në Tiranë risinë më të re të teknologjisë në fushën e dermo-estetikës, që quhet Hialuropen.
Kjo pajisje konsiston në aplikimin e acidit hialuronik në lëkurë nëpërmjet presionit të ajrit, çka do të thotë se nuk përdor gjilpëra për injektimin e acidit dhe nuk shkakton asnjë dhembje apo shqetësim tek pacienti. Duke qenë se pena përdor presionin e ajrit për të administruar produktin në lëkurë, shiringat e acidit hialuronik janë të pajisura me koka ampule dhe jo me gjilpëra, për një rezultat mbresëlënës dhe me siguri të plotë.
Teksa Hialuropen gjendet në “Dermolife Medical Center” për këdo që do të provojë në lëkurë magjinë e acidit hialuronik pa asnjë dhembje, “Dermolife Academy” ka menduar edhe për profesionistët apo këdo që është në hapat e parë të një karriere në fushën e estetikës.
Të shtunën e 19 tetorit, në orën 09:00 pranë “Green House” në kryeqytet, “Dermolife Academy” organizon trajnimin e parë për përdorimin e kësaj pajisjeje, të titulluar “Hialuropen – e ardhmja në botën e estetikës”.
Në praninë e ekspertëve të fushës, pjesëmarrësit në trajnim do të mësojnë teknikat e përdorimit të hialuropen dhe në fund të tij, do të pajisen me një certifikatë që i lejon ata të kryejnë këtë procedura në çdo klinikë apo qendër estetike brenda dhe jashtë vendit.
Për detaje të mëtejshme, kontaktoni “Dermolife Academy” në:
Official Website www.dermolife-academy.al
Email: info@dermolife-academy.al
Tel: 0692099780
Instagram: dermolife_academy
Facebook: Dermolife Academy
